ကန့်လန့်ကာဖွင့်ကတည်းကမှားခဲ့ကြတာပဲ
ညာပြီးလည်းမသနားပါနဲ့တော့ကွယ်
စုတ်တံကိုလက်မှာဆွဲပြီး
ငါ့ဘ၀ပါးပါးထဲကို
ဆေးမည်းမည်းတစ်ချက်နဲ့
ကျေနပ်စွာခြယ်မွှမ်းလိုက်တယ်
စွန်းပေရော့အမည်းတစ်စက်
တစ်သက်လုံးမပျက်နဲ့တော့။
ဒီမှာသတို့သား
လူမြင်မခံဝံ့တဲ့သံယောဇဉ်ကြိုးတွေကို
တိတ်တခိုးနဲ့တုပ်နှောင်စည်း
ရှင်နဲ့ကျွန်မ
ရင်ဘတ်ချင်းဘယ်လောက်နီးသလဲ။
ရှင်တစ်ခါပြုံးရင်
ကျွန်မတစ်သံသရာရှုံးတယ်
အနာဂတ်လမ်းတွေကဖမ်းဆုပ်လို့မရ
ဟောဒီလိုတစ်ကိုယ်ရေညတွေဆို
အတိတ်တစ်ခုမှာပဲပျော်ဝင်တမ်းတ
အလွမ်းတွေကလျှံလျှံကျလာတယ်။
ရှင်ဟာမှော်ဆရာတစ်ယောက်လို
လက်ထဲကပုဝါကိုတစ်ချက်ဆွဲအဖွင့်မှာ
နှင်းဆီအဖြူတွေကိုဒိုင်းကနဲပွင့်စေနိုင်တယ်
ဘာကိုမှတော့သွားမမျှော်လင့်နဲ့
နှလုံးသားတစ်ခုလုံးဟက်တက်ကွဲပွင့်
ကျည်တစ်တောင့်နဲ့အတူ
ဟိုးအဝေးကြီးလွင့်သွားမယ်။
ကျွန်မကအရူး
ရှင်ကအမဲသား
ခုလိုဟန်ဆောင်ဆက်ဆံရမှုတွေကြား
လူဆိုတာမချစ်တတ်ရင်အကောင်းသားလို့
အံကြိတ်စဉ်းစားမိတယ်။
0 comments:
Post a Comment