ဆရာနဲ့ ကျွန်တော်တို့ ဆေးရုံမှာ ရောင်းလှည့်ကြရင်း အသက်ရှူကျပ်နေတဲ့ လူနာတစ်ယောက်ဆီကိုရောက်လာပါတယ်။ လူနာက "အသက်ရှုရတာ သိပ်ကိုဆိုးတယ်၊ ရင်ဘတ်ထဲမှာ နာနာနေတယ် "ဆိုတော့ ဆရာက ကျွန်တော်တု့ကိုမေးတယ်။ " ဒီဝေဒနာ ခံစားနေရတာ ပျောက်အောင် မင်းတို့ ဘယ်လိုလုပ်မလဲ" တဲ့၊ ကျွန်တော်တို့ထဲက တကယ့် ဆရာဝန်ဂိုက်ဖမ်းနေတဲံ တစ်ယောက်က ဖြေတယ်၊"လွယ်ပါတယ် ဆရာ၊ ဒီလူနာကို အသက်ရှုရပ်အောင်လုပ်လိုက်ရင် ဒီဝေဒနာပျောက်သွားမှာပါ" တဲ့။
တော်တဲ့သူများ ဖြေနိုင်လိုက်ကြတာ။
တစ်နေရာရောက်တော့ လူနာစောင့် ကောင်လေးကို လူနာအကြောင်းမေးရတယ်။
"ဒါမင်းအဖိုးလား။ အသက်ကြီးပြီးနော်၊ အသက်ဘယ်လောကပ်ရှိပြီလဲ"
မြေးလေးက
"အသက်ဘယ်လောက်ရှိပြီလဲတော့ မသိဘူး၊ကျွန်တော်တို့နဲ့နေတာတော့ တော်တော်ကြာနေပြီ "တဲ့
နောက်လူနာတစ်ယောက်က "ကျွန်တော်တော့ ဆေးရုံက တော်တော်နဲ့ မဆင်းနိုင်ဘူးထင်တယ် "တဲ့။ ကျွန်တော်က
"ဆရာဝန်ကြီးနဲ့ တွေ့ ပြီးပြီလား" ဆိုတော့
"နာ့စ်မလေးနဲ့ တွေ့ ထားလို့ပါ" တဲ့
တစ်ခါ ချောင်းတွေ တဟွတ်ဟွတ်ဆိုးနေတဲ့ လူနာတစ်ယောက်ကိုတွေ့တော့ ကျွန်တော်တို့ထဲက တစ်ယောက်က
"ဟာ ဦးကြီး၊ ဒါအဆုတ်ပွတာပဲ၊ ဒီရောဂါ အကြောင်းကျွန်တော်ကောင်းကောင်းသိတယ်" တဲ့။
ဦးလေးကြီးက အားကိုးစွာနဲ့-
"ဆရာဝန်လေး ဒီရောဂါနဲ့ ပတ်သက်လို့ အတွေ့ အကြုံ များများရှိလို့လား " ဆိုတော့
"ကျွန်တော် ဒီရောဂါဖြစ်နေတာ ဆယ့်ငါးနှစ်ရှိပြီ၊ ဘာမှမပူပါနဲ့ ၊အဟွတ်ဟွတ်" တဲ့။
လူနာတစ်ယောက် အစာအိမ်မှာ အနာဖြစ်ပြီး သိပ်နာနေလို့ အိပ်ရာထဲမှာ ကွေးကွေးနေနေနေပါတယ် ၊ ဆရာက-
"မင်းတို့ဆိုရင်ဘယ်လိုလုပ်မလဲ" လို့ မေးတော့ ဆရာဝန်ဂိုက်နဲ့တစ်ယောက်က ခဏစဉ်းစားပြီး-
"ကျွန်တော်ဆိုလည်း ကွေးကွေးလေးပဲနေမှာပဲ" တဲ့
တစ်ခါတော့ ဆရာမေးတာ တစ်ခု ကျွန်တော်တို့မဖြေနိုင်လို့ ဆရာစိတ်ဆိုးပြီး "ဒါမင်းတို့ရဲ့ appendix မှာပါတယ်၊ မဖတ်ကြဘူးလား "ဆိုတော့-
"appendixဆိုတော့မလိုဘူးထင်လို့ စာအုပ်ထဲက ဖြတ်ထုတ်ထားလိုက်တယ်ဆရာ" တဲ့
တစ်ခါမှာ ဆရာက ကျွန်တော့်ကို လူနာတစ်ယောက်ကိုစစ်ဆေးခိုင်းတယ်။ ကျွန်တော်က လူနာကို-
"ကဲ လျှာထုတ်ပြပါ" ဆုိုတော့ လူနာက-
"ကျွန်မ လိပ်ခေါင်းဖြတ်ထားတာ၊ ဘာလို့ လျှာထုတ်ပြရမှာလဲ" တဲ့
"ဆရာဝန်ဆိုတာ ဒီလိုပဲ စစ်ဆေးရတာပေါ့၊လိုအပ်ရင် အဒေါ့် လိပ်ခေါင်းက ခွဲရင်ခွဲရမှာ" ဆိုတော့
"အမယ်လေး၊လိပ်ခေါင်းကို အာခေါင်က နှိုက်ခွဲရင် လွယ်မှာ မဟုတ်ဘူး" တဲ့ ကျွန်တော်လည်း-
"အဒေါ်နဲ့ ကျွန်တော် စကားပြောရတာအပေါက်အလမ်း မတည့်လိုက်တာ၊ မီးရထားပေါ် ဆီးသွားရသလိုပဲ" လို့ပြောမိတော့
"မင်းတို့ကတော်ပါသေးတယ်ကွယ် ၊ ငါတို့ဆိုကြက်ဖခွပ်နေရတာ" တဲ့။
တော်ပြီဗျာ၊ ရေးရတာကိုစိတ်ညစ်လာပြီ။ ။
0 comments:
Post a Comment